ناشـــــــــــــــــــــــرعلیــــــــــزاده
بی یئرده گورمه دی آقا نه فرغونو ، نه داشقانی
ایندی توکانا انمه گه ، کرایه پیکان آختاریر
گزمه میش ایدی ازناوی ، میرعادیلی ، نه آغ داغی
ایندی چیخاندا گردیشه ، تبریز و تهران آختاریر
ائشیتدیگی خروس سسی ، زالزالک ایدی میوه سی
ایندی بادام بیه نمه ییر ، پسته ی خندان آختاریر
گورمه میش ایدی دوکتوری،نه چشم پزشک،نه دیش چکه ن
ایندی کیلاس گلیر بیزه ، طلایی دندان آختاریر
غضنفرایدی اوز آدی ، ائوین ده کی ده ناز بانو
ایندی اوزونه آرمین و اوشاغا کیوان اختاریر
یوخیدی دککه اگله شه ، سیمیشگه و بادام ساتا
کارخانا ویرماغا گئدیب ، گیشا و جردن آختاریر
بولاغ اوتویلا یار پوزو ، توکردی پاسلی چایدانا
ایندی توروب بگنمی ییر ، شیوید له ریحان آختاریر
توی ائیله ینده آت مینیب ، عیالیدا یاناق سالیب
شئروینیلن ازدواجا ، دوبی ده عجمان آختاریر
گورنمزایدی جیززی ویز ، قوناق گله ایدی گر بیر یول
قئرمیزی ات بگه نمی ییر فیله ی جیران آختاریر
باشین وئره ردی قیچی یه ، قوتاز قویاردی کلله ده
ایندی ژئلئت بگه نمه یه ، ایزونه ، آلمان آختاریر
سلام وئرردی هاممی یا ، باشین سالاردی آشاغی
سوز- سوزه گلسه گر بیر یول،جللاد اولوب قان آختاریر
پنیر-چوره ک ،ترک خشیل،صوبانه سی ایدی قارداشین
ایندی سخاوت اورگه شیب ،شهریده مهمان آختاریر
اسلحه ی شکاری یه ،گیریز ویراردی واسکازین
ایندی هزار خاری نه ، روغن بهران آختاریر
توکلوجه له داماریجا ، سالاردی کوهنه جامینا
ایندی گزیر فروشگاهی ، بسته ی سیلان آختاریر
اوتوز کیلو یئرآلمانی آلانمزایدی چینی نه
ایندی یئییب قارین سالیب،دونمه یه میدان آختاریر
کته پیلو ، سوغان سووون گورنمز ایدی همزمان
ایندی طاریم بگه نمی ییر، برنج گیلان آختاریر
نه حسودام ، نه بد نظر ، ساخلا اصالتین داداش
دونیا بو قدری علمی نن ، کشور ایران آختاریر
ناشرعلیزاده
عضو شوید
عضویت سریع
آمار مطالب
آمار بازدید
.jpg)
.JPG)
_1~1.JPG)
_1_~1.JPG)
